Ի գիտություն աղջիկների. նիհարելու համար խոտաբույսեր

posted in: Weight Loss | 0
Share Button

13405

 

Նիհարելուն օգնող խոտաբույսերը նյութեր են պարունակում, որոնք ազդում են մարդու նյութափոխանակության վրա։ Այդ բույսերը նաեւ օգտագործում են արյան մեջ խոլեստերինի մակարդակն իջեցնելու համար։

Բույսերն օգնում են ավելորդ քաշի դեմ պայքարում, առանց բացասական հետեւանքի ազդում են ախորժակի վրա՝ նվազեցնելով քաղցրի հանդեպ հակումը, կարգավորում են նյութափոխանակությունն ու նպաստում աղիների ճիշտ գործելուն։

Օրինակ՝ Հոլլի Մաթեի տերեւների թուրմն ազդում է կենտրոնական նյարդային համակարգի խթանման վրա։ Չեզոքացնում է հոգնածությունն ու քնկոտությունը։ Այդ բույսերն ու դրանց հատկությունները հարյուրամյակներ ի վեր հայտնի են։ Հնդկացիները փորի ցանկացած ցավի դեմ Մաթե էին օգտագործում, ինչպես նաեւ որպես նիհարեցնող եւ իմունային համակարգն ամրացնող միջոց։

Մարսողությանը նպաստող խոտաբուսերից է նաեւ սամիթը։ Այն կարգավորում է աղիների աշխատանքը, ազատում փքվածությունից ու բորբոքումից։ Այս խոտաբույսերը նպաստում են սնունդն ավելի արագ մարսելուն:

Նույնքան լավ հայտնի ու արդյունավետ է ռեհանը, որը կարգավորում է խոլեստերինի մակարդակն ու նպաստում ճարպերի եւ սպիտակուցների մարսմանը։ Դիետոլոգիայում օգտագործվող մյուս խոտաբույսը հազրեվարդն է։ Այն կարգավորում է մարսողությունը, մեծացնում ախորժակն ու բարելավում արյան շրջանառությունը։ Սնունդը մարսելու համար կարող եք նաեւ ուրցի տերեւներ օգտագործել։ Իսկ կռատուկն օգնում է օրգանիզմից հեռացնել նյութափոխանակության համար ոչ պիտանի մթերքները։

 

 

 

 

Աղբյուրը՝ zateynica.com